Bangkay sang lalaki, nasapwan sa Arevalo

ILOILO CITY — Ginkilala ang bangkay sang lalaki nga nasapwan sa Sto Niño Norte, Arevalo ang kahapon, Oktubre 31.

Ginkilala sang bayaw nga si Rosalia Tamon nga si Dennis Tamon 43-anyos sang Sitio Ising, Brgy Bagumbayan, Tigbauan ang lalaki.

Ginpahayag niya nga hubog sang Sabado si Dennis kag posible nga naghagaday sila sang iya mga abyan nga magkadto malapit sa suba sang Dominggo agud liwat nga nag-inum-inom.

Luyag ni Dennis magpaligo sa suba pero ginpunggan siya sang iya nga abyan bangud madalom ang lebel sang tubig suno kay Rosalia.

Ginpahayag niya nga gulpi lang naglumpat sa suba si Dennis. Nakit-an pa siya sang iya mga abyan pero nagsarurot bangud sang mabaskog nga daludo sang tubig sa suba.

Indi makahibalo maglangoy si Dennis suno pa sa bayaw.

Kaina sang hapon nakit-an sang mga residente ang bangkay sang lalaki sa baybayon.