Subject sa drug buy bust operation sa Silay City, Negros Occ., naghublas agud pamatud-an nga wala siya sang illegal drugs

NEGROS OCCIDENTAL – Nag-viral ang video nga kuha sa drug buy bust operation sa Zone 5, Barangay Mambulac, Silay City sang naghublas ang subject.

Suno kay Jereel Diaz, luyag niya pamatud-an sa mga pulis kag mga tawo sa palibot nga wala siya sang illegal drugs.

Sa pihak sini, gindakup gihapon si Diaz.

Sa interview sang Aksyon Radyo Bacolod, gin-ako ni Diaz nga nagagamit siya sang illegal drugs, pero ginpanginwala nga nagabaligya siya.

Gin-ako man ni Diaz nga napreso siya sang 2019 may kaangtanan sa illegal drugs kag nakaguwa siya sang 2021 sang nakapiyansa.