21-anyos nga babaye dakup sa drug buy bust operation sa La Paz

ILOILO CITY — Arestado ang 21-anyos nga babaye sa drug buy bust operation sa Brgy. Bantud, La Paz kahapon, Nobyembre 7.

Ginkilala ang subject kay Quennie Josal sang Boulevard, Molo.

Suno kay Police Major Jose Val Ladublan, hepe sang La Paz Police Station, wala sang record si Josal sa La Paz pero i-check pa nila sa Molo.

Nabaklan ang subject sang isa ka sachet sang suspected shabu sa balor nga ₱7,100.

Ginpahayag ni Ladublan nga ginakabig nga “runner” ukon ginasugo lang sa pagbaligya sang illegal drugs ang subject.

Nagpamalibad ang subject nga magpa-interview sa Aksyon Radyo Iloilo news team.