Bailey bridge nga gina-construct sa Oyungan Miagao posible na nga ma-agyan sa Lunes

ILOILO — Posible maagyan na sa Lunes ang Bailey bridge nga gina-construct sa Brgy. Oyungan, Miagao suno kay Brgy. Kagawad Herbert Molinang.

Nahibaluan nga nagluy-on ang taytay bangud sang baha nga dala sang bagyo Paeng.

Sa initial nga plano, ginpahayag ni Molinang nga puwede na maka-agi ang mga four-wheeled light vehicles sa amo nga taytay.

May yara naman sang alternative road nga ginaplastar para sa mga mabug-at nga salakyan kasubong sang delivery trucks kag vans.

Gin-athag ni Molinang nga posible may paglain pa sa schedule sa pagbukas sang Bailey bridge bangud padayon pa ini nga ginaplanuhan.