‘Wala sang ASF case sa Iloilo City’ — City Agriculture Office
Gin-athag ni Mr. Iñigo Garingalao, head sang City Agriculture Office nga wala pa sang kaso sang African Swine Fever sa Iloilo City.
Suno kay Garingalao, suspected cases pa lang sang ASF ang na-record sa siyudad partikular na sa Calubihan, Jaro sa diin nasapwan sa Dungon Creek ang apat ka mga patay nga baboy.
Ginpahayag ni Garingalao nga garuk na ang mga baboy kag posible mabudlayan sila sa pag-test.
Una diri, ginkumpirmar ni Punong Barangay Rodney Guintibano nga napalubong na ang mga patay nga baboy.
Samtang, ginpahayag ni Garingalao nga gin-activate sang City Disaster Risk Management Office sa pagpanguna ni Donna Magno ang Barangay Disaster Risk Management Council agud mag-monitor sa mga baboy sa mga kabarangay sa siyudad.
Sa pagkamatuod suno kay Garingalao, naghimo na sila sang massive disinfection sa mga kabarangayan agud mapunggan ang pagsulod sang ASF sa siyudad.
