Indi Lechon Festival kundi Pork Festival ang hiwaton sang 3 ka banwa sa Iloilo province — Provincial Tourism Office

Indi “Lechon Festival” kundi “Pork Festival” ang hiwaton sang pila ka mga banwa sa probinsya sang Iloilo.

Ini ang ginpaathag ni Provincial Tourism Office head Mr. Gilbert “Bombette” Marin kasunod sang nahisugtan sa meeting kaupod kay Governor Arthur Defensor, Jr. agud indi madula ang identity sang Lechon Festival sang Balasan.

Dugang niya, ginplastar man sa pagsinapol ang tatlo ka components sang Pork Festival nga information dissemination campaign program; pork cooking contest, kag pork preparation and preservation sa mga hog raisers.

Ginpabutyag niya nga tatlo na ka banwa ang nagkumpirmar nga magahiwat sang Pork Festival – Sta. barbara, Leon, kag Tigbauan.

Una na nga ginpahayag ni Marin nga katuyuan sang festival nga mabuligan ang mga hog raisers bangud sa epekto sa African Swine Fever.