1 patay, 3 pilason sang natiruhan sang suldado ang nagkastigo sa iya utod sa Passi City
ILOILO Province –Isa ang napatay samtang tatlo ang napilasan sang natiruhan sang suldado sa Brgy. Aglalana sang Nobyembre 26 sang aga.
Ginkilala ang napatay kay Greg Palomaria, 50-anyos. Napilasan naman ang iya nga bata nga si Greg Jr.; utod ni Greg nga si Mark; kag alyas Rolly nga menor-de-edad.
Gin-identify naman sang pulis ang suspect kay Sergeant Razel Palomar, miyembro sang 61st Infantry Battalion sang Philippine army nga assigned sa Miagao, Iloilo.
Suno kay PLtCol Dennis Pamonag, hepe sang Passi City Police Station, ginpulihan kastigo sang mga biktima ang utod ni Sergeant Palomar nga si Ronald, rason nga iya ginrespondihan.
9mm calibre pistol nga service firearm ang gingamit sang suspek sa pagpaniro suno sa pulis.
Ginpahayag ni Pamonag nga nagahinulsol si Sergeant Palomar sa iya ginhimo, pero wala siya sang may mahimo bangud utod niya ang ginapulihan kastigo.
Detained subong ang suspect sa Passi City Police Station.
