8 ka tribu mapasundayag sa Dinagyang sa Kabanwahanan sa 2023 Dinagyang Festival

ILOILO CITY – Walo ka tribu ang mapasundayag sa Kasadyahan sa Kabanwahanan nga nalakip sa selebrasyon sang Dinagyang Festival 2023.

Ini ang ginabug-usan sang Tribu Jalaud sang Calinog, Iloilo; Tribu Minulu-an sang Talisay, Negros Occidental; Tribu Tiringbanay sang San Jose De Buenavista, Antique; Guban Manughaw-as sang Dumangas; Sipalay Burangoy Kote Festival sang Sipalay City, Negros Occ.; Tribu Saludan sang Tigbauan; Tribu Madja-as sa Antique; kag Pasalamat Festival sang La Carlota, Negros Occidental.

Tinutuyo sang kasadyahan sa kabanwahanan nga mapadayaw ang tagsa ka mga ginapabugal nga piyesta sang tagsa ka probinsiya sa Western Visayas.

Ang walo ka tribu ang ginakabig nga “the best” sa tanan nga cultural group sa rehiyon.

Hiwaton ang nasambit nga aktibidad sa Enero 21, 2023 las-8 tubtob las-12 sa udto sa Iloilo Freedom Grandstand Muelle Loney Street, Iloilo City.