Pagbaligya sang goods sa sidewalks temporaryo nga pasugtan sang Iloilo City government sa Disyembre
ILOILO CITY – Temporaryo nga pasugtan sang Iloilo City Government ang pagbaligya sang mga goods sa sidewalk sa siyudad sa Disyembre 1 tubtob 31.
Ini base sa Executive Order No. 106, series of 2022 ni Mayor Jerry Treñas agud mabuligan ang mga vendors sa ila palangabuhian ilabe na sa holiday season.
Lakip sa mga sidewalks nga puwede magamit ang Iznart Street (halin Po’s Marketing to Jollibee Iznart); J.M. Basa Street (Socorro to Washington); Ledesma Street (Unitop to corner of F&C Pawnshop); Valeria kag Delgado Streets (F&C to Iloilo Supermart); Delgado Street (corner Merczi to Iloilo Supertmart); Jaro Plaza; kag Molo plaza.
Dapat nga magsumiter sang barangay clearance, cedula, vaccination card sa COVID-19; Special permit; Anti-smoking signage; kag health card sa Special Services Division sang Public Safety and Transportation Management Office ang mga sidewalk vendors agud makakuha sang permit.
Una nga ginbawalan ang pagbaligya sa mga sidewalks sa siyudad bangud sa implementasyon sang road clearing, santu sa mandu sang Department of the Interior and Local Government (DILG).
