Suspected shabu, pusil nakuha sa mag-utod sa drug buy bust operation sa Estancia, Iloilo

ILOILO – Todo panginwala si Raffy Buenaflor sang Estancia nga nagabaligya siya sang illegal drugs.

Pero gin-ako sang iya utod nga si Ronald nga nagagamit siya sang illegal drugs “kun kis-a” bangud nagabiyahe siya sang tricycle.

Nadakpan ang mga-utod sa buy bust operation nga gin-conduct sang Estancia police. Subject sang operasyon si Raffy.

Magluwas sa lima ka sachets sang suspected shabu, nakuha kay Raffy ang .38 revolver nga wala sang lisensya.

Ginapreparar na police ang kaso nga paglapas sa Dangerous Drugs Act batuk sa mag-utod kag dugang nga kaso nga illegal possession of firearm batuk kay Raffy. — via Aksyon Radyo Correspondent Jerry Medina