‘Exclusive Festival?’ | Pila ka lechon-lovers wala nakahingabot sang lechon sa Porky, Porky Festival sang Leganes

ILOILO – May pila ka mga lechon-lover nga wala nakahingabot sa pagbakal sang lechon sa “Porky-Porky” Festival sang Leganes ilabe na ang halin sa iban nga banwa.

Suno kay Alyas Biboy sang Jaro, duha ka oras sila nga nagpila agud makabakal sang lechon pero sang malapit na, wala sila ginbaligyaan bangud pangayaw sila sa Leganes.

Kuntani suno sa iya, gilayon sila nga ginpahibalo sa amo nga pagsuludan agud wala sila naruya sa pagkadto sa banwa kag pagpila.

Suno naman kay Jessica nga barangay official sang Cagamutan Norte, ginkulang ang duha ka lechon nga ginpreparar nila bisan ginlimitahan sa tunga sa kilo ang mabakal sang tagsa ka bisita.

Nag-aku man si Jessica nga ginprayoridad ang mga kasimaryo nila agud masiguro nga indi makaguwa sa banwa ang lechon kag masigurado nga maubos.

Nagpangayo naman sang pasaylo ang pila ka mga barangay officials nga nagplastar sang lechon bangud ginkulang ang ila ginpreparar. –via Justice Savvanah Pamplona