Barotac Nuevo, Iloilo may kaso na sang ASF

ILOILO — Naka-record sang una nga kaso sa African Swine Fever (ASF) ang barangay Cabilauan, Barotac Nuevo, Iloilo.

Ini base sa kumpirmasyon ni Iloilo Governor Arthur Defensor, Jr.

Ginpahayag pa niya nga padayon ang ila pag-monitor sa infected barangay kag nagmandu na siya sa Provincial Veterinary office nga maghimo sang surveillance sa sa palibot sang area.

Suno naman kay Iloilo Provincial Veterinarian Dr. Darrel Tabuada, nagapadayon pa ang pagpahamtang sang 500 meters halin sa ground zero.

Duha ka mga baboy ang nag-positive sa nasambit nga lugar.

Wala pa sang data ang Iloilo Provincial Veterinary Office kun pila ka mga baboy ang apektado sa nasambit nga banwa.