2 ka pulis pilason sang naka-engkwentro ang mga rebelde sa San Remigio, Antique
ANTIQUE — Padayon nga ginabulong sa ospital ang duha ka pulis nga napilasan sa nagluntad nga d encounter kontra sa ginapatihan miyembro sang Communist-Terrorist Group sa Sitio Gahit, Brgy. Aningalan, San Remigio, kahapon, Disyembre 11.
Ginkilala ang mga napilasan kanday Police Corporal Jomer Yamuyan kag Patrolman Danmer Dela Cruz, lunsay katapo sang 1st Antique Mobile Force Company. Base sa press release sang Police Regional Office 6, nagresponder las-12:30 sang hapon ang 1st AMFC kag San Remegio PNP sa report nga nabaton may kaangtanan sa mga ginapatihan CTGs nga naga-vandal sa Green House sa nasambit nga barangay.
Ang Green House ang isa ka government-owned vegetable plantation.
Pag-abot sang kapulisan sa area, gilayon nga nagluntad ang engkwentro sa grupo sang CTGs nga ginabanta 16 tanan ka mga miyembro kag may mga long firearms.
Naglawig sang napulo ka minutos ang engkwentro. Na-identify sang kapulisan ang CTG nga ginapangunahan ni Harold Mariano, alyas ‘Ka Rod’.
