Resolution nga nagahingyo sa mga Ilonggo congressmen nga maghimo sang legislative inquiry sa kontrobersyal nga Ungka Flyover, gin-aprubahan sang Pavia SB council
PAVIA, ILOILO — Suportado sang mga miyembro sang Sangguniang Bayan Members sang Pavia, Iloilo ang resolusyon ni SB Member Jose Maria “Pyt” Trimañez nga nagahingyo kanday Iloilo City Congresswoman Juliene Baronda; Iloilo 1st District Congresswoman Jannete Garin; 2nd District Congressman Michael Gorriceta; 3rd District Congressman Lorenz Defensor; 4th District Congressman Ferjenel Biron; 5th District Congressman Raul Tupas; Uswag Ilonggo Party-list Representative James Ang; Kabataan Party-list Representative Raoul Manuel kag AAMBIS-OWWA Representative Congressman Lex Collada nga maghimo sang “Legislative Inquiry in the aid of legislation” may kaangtanan sa Ungka Flyover.
Sa speech ni Trimañez luyag niya nga mabuligan ang mga taga-Pavia nga matumod kun ano ang guba sa Ungka Flyover.
Ginpabutyag man niya nga lakip man sa iya ipa-usisa sa mga kongresista ang Aganan Flyover.
Ipadala ang kopya sang resolusyon sa tagsa ka opisina sang Ilonggo Congressmen sa madali nga panahon suno pa kay Trimañez.
Una na nga nanotisyahan ni Trimañez ang pagbawod sang Ungka Flyover kun maglabay antes pa man ginpasiraduhan bangud sa nakit-an nga vertical displacement ukon pag-usmod.
Samtang may mga nakit-an mannga kat-al sa girders sang gina-construct nga Aganan Flyover si Trimañez rason nga nagakabalaka siya sa mga nagalabay nga motorista.
