6 ka tuig nga bata nga babaye nasapwan patay sa Estancia, Iloilo

ILOILO — Nasapwan nga patay kag wala na sang pang-idalum nga panapton ang anum ka tuig nga bata nga babaye sa Brgy. Gogo, Estancia kagab-i. Disyembre 19.

Suno sa iloy nga si Raquel Mahinay, las 4 kahapon sang hapon sang nagpangayo sa iya sang lima ka pesos si Jacqueline agud magbakal sang tinapay.

Nagpati ang iloy nga upod ni Jacqueline ang iya mga magulang nga naga-edad nga 10 kag 9 ka tuig sang naghalin sa ila balay.

Las 5 sang hapon, nagpauli ang duha ka magulang magluwas kay Jacqueline suno sa iloy.

Bangud sini, ginpangita nila ang bata tubtob nga nasapwan malapit sa tower sang cell site las 8 sang gab-i.

May nakita nga pilas sang pagkalampos sa ulo ang bata suno pa sa iloy.

Nagapadayon ang imbestigasyon sang Estancia police sa matuod nga natabo sa bata.