Amay sang ginpatay nga 6 ka tuig nga bata nga babaye sa Estancia, Iloilo nagapanawagan sa suspect nga mag-surrender sa pulis

ILOILO — Wala sang kapatawaran ang pagpatay sa anum ka tuig nga bata nga babaye nga nasapwan kag wala na sang pang-idalum nga panapton sa Barangay Gogo, Estancia sang Disyembre 19.

Ini ang ginpabutyag sang amay nga si Joven Mahinay.

Bangud sang natabo suno kay Joven, “kun kaisa nagakaduhungan sila nga tatlo (utod sang pito ka tuig) sa natabo sa ila nga utod. Gahinibi man ang asawa ko, bisan ako indi namon mabaton ang natabo.”

Ginpabutyag man ni Joven nga malapit gid sa iya ang iya si Jacqueline.

Sa pagkamatuod suno sa iya, “nagahulid gid na siya [sa] akon kun magtulog. Halin gid na sang one year pa siya asta nag-edad siya pito… Palangga niya gid ko bala kag mas palangga ko pa gid siya ya. Anghel ina siya sa akon mu.”

Handum pa kuntani sang iya nga bata nga ipakay-o ang ila balay kun makatapos siya sa pag-eskwela kag makatrabaho suno kay Joven.

Mga las-6 sang aga sang Disyembre 19 sang ulihi sila nga nag-updanay sang iya nga bata.

Nagapanawagan naman si Joven sa suspect nga magsungka na sa police agud mahatagan sang hustisya ang kamatayon sang iya nga bata.

Sa luyag magbulig, magpadala lang sa G-Cash account 0917-754-1576.