Financial assistance kag ‘Medalya ng Sugatang Magiting’ ginhatag sa 2 ka pulis nga napilasan sa encounter vs NPA sa San Remigio, Antique
Ginhatagan sang financial assistance kag Medalya ng Sugatang Magiting ang duha ka pulis nga nasamaran sa engkwentro batuk sa mga rebelde nga New People’s Army sa Barangay Aningalan, San Remigio, Antique sang Disyembre 11.
Ini kadungan sang pagbisita ni Philippine National Police chief PGEN Rodolfo Azurin, Jr. kanday Police Corporal Jomer Yamuyan kag Patrolman Danmer Dela Cruz nga naka-confine sa Qualimed Hospital sa Iloilo City.
Sanday Corporal Yamuyan kag Patrolman Dela Cruz ang mga miembro sang 1st Antique Mobile Force Company nga nagresponder sa impormasyon nga may naga-vandal sa green house sang Barangay Aningalan.
Nag-abot si General Azurin sa siyudad bangud siya ang bisita sa ‘Lakad Laban sa Droga’ nga programa sang Police Regional Office 6 kahapon. Disyembre 21.