80 ka pamalay apektado sa paglabay sang buhawi sa Oton

ILOILO – Naglab-ot na sa 80 ka mga pamalay ang naguba bangud sa paglabay sang buhawi sa Barangays Alegre kag San Nicolas, Oton, Iloilo kaina sang kaagahon.

Suno kay Provincial Disaster Risk Reduction and Management Office (PDRRMO) Head Dr. Jerry Bionat, 18 ka mga pamalay ang nawasak gid sa Alegre, Oton samtang walo naman ang na-record sa San Nicolas, Oton; samtang 54 ka mga balay ang partially damaged sa nasambit nga barangays.

Isa man ka balay ang totally damaged sa Leganes bangud nga natumbahan sang kahoy.

Nagpanugyan naman si Bionat sa tanan nga pumuluyo sang probinsiya ilabe na gid ang yara sa higad sang baybay nga mag-aligmat kag gilayon nga mag-evacuate pananglitan nga mabatyagan ang mabaskog nga hangin.