Mga quarantine facilities sa Iloilo City amat-amat nga pasiraduhan bangud wala na sang pasyente

ILOILO CITY — Plano sang Iloilo City Government nga amat-amat pasiraduhan ang mga quarantine facilities sa siyudad.

Suno kay Mayor Jerry Treñas, wala na sang pasyente sa mga quarantine facilities bangud pila naman ka adlaw nga wala sang nagapositibo sa COVID-19.

Ubrahon suno sa iya, nga mega health center ang Arevalo Health Station kag butangan sang clinical laboratory.

Samtang i-construct ang mega health center, ang City Health Office sang distrito ang temporaryo nga ibutang sa quarantine facility.

Ang mga personnel naman nga na-assign sa mga facilities ang ipa-assist sa mga district health centers.