15 ka tribu mapa-indis indis sa Opening Salvo sang Dinagyang 2023 sa Biyernes, Enero 13
ILOILO CITY — Mapa-indis indis ang 15 ka mga tribu sa Opening Salvo sang Dinagyang 2023 sa Enero 13, sugod la 1 sa hapon.
Suno kay Mr. Eric Divinagracia, ang mga tribu amu ang walo ka mga competing tribes sang Dagyang sa Barangay: Tribu Sagasa, Ilonggohanon, Sagrada Familia, Molave kang Salog, Kanyao sang Baybayanon, Parianon, Halimau, kag Pana-ad; kag ang pito ka competing tribes sang Dinagyang ILOmination nga nagarepresentar sang kada distrito.
Masugod ang Opening Salvo sa entrance sang Sto. Niño sa Freedom Grandstand kag sundan sang mensahe sang Iloilo Festivals Foundation kag ni Mayor Jerry Treñas.