Gun ban ipatuman sa Dinagyang 2023
May ipatuman nga 10 ka adlaw nga Gun Ban sa Iloilo City bilang kabahin sang security measures sa Dinagyang Festival 2023.
Sa advisory sang ICPO, i-suspender ang Permit to Carry Firearms Outside Residence (PTCFOR) sa siyudad umpisa las-12:01 sang kaagahon sa Enero 13 tubtob las-11:59 sang gab-i sa Enero 22.
Ini kasunod sang Memorandum halin sa CPNP sang Disyembre 6, 2022 kag PNP MC No. 2011-021 may kaangtanan sa polisa kag procedure sa suspension sang PTCFOR.
Ipatuman ang direktiba kadungan sang Enhanced Managing Police Operations sa siyudad.
Sa Biyernes, hiwaton ang Opening Salvo sang Dinagyang 2023.
