Masobra P400K nga balor sang suspected shabu na-recover sa drug buy bust operation sa Arevalo

ILOILO CITY — Na-recover ang ginabanta P408,000 nga balor sang suspected shabu sa drug buy bust operation sa Brgy. San Jose, Arevalo las-5:45 sang hapon sang Enero 12

Ginkilala ang subject sang operasyon kay Mark Anthony Castillo alyas “Mark,” 32-anyos sang Zone 2, Brgy San Juan, Molo.

Suno kay Lt. Glenn Soliman sang Regional Police Drug Enforcement Unit (RPDEU), na-preso man sadto sa Bacolod City si Castillo bangud sa kaso may kaangtanan sa illegal drugs.

Nabaklan ang subject sang isa ka sachet sang suspected shabu sa balor nga P20,000. Magluwas diri, na-recover pa gid ang 11 ka sachets sang illegal drugs kag mga gamit sang subject.

Gintinguhaan sang Aksyon Radyo Iloilo nga makuhaan sang pahayag ang subject, pero nagpamalibad.