Opening Salvo sang Dinagyang 2023 gindugukan
Iloilo City — Nagdugok ang mga Ilonggos kag pangayaw agud saksihan ang patilaw nga performance sang mga tribu nga mapasakop sa highlight sang Dinagyang Festival 2023 kahapon, Enero 13.
Walo ka competing tribes sa ‘Dagyang sa Barangay’ ang nag-perform nga amo ang Pamilya Sagasa, Ilonggohanon, Sagrada Familia, Molave Kang Salog, Kanyao sang Baybayanon, Parianon, Halimaw kag Panaad.
Nagpasundayag man ang pito ka competing tribes para sa ILOmination. Ang mga tribu nagatiglawas sang pito ka distrito sa siyudad.
Ginpabugal ni Mayor Jerry Treñas nga nangin madinalag-on ang kahiwatan kag nasaksihan ang matahom nga mga presentasyon.
Hiwaton sa Enero 21 ang Kasadyahan sa Kabanwahanan kag ILOmination, samtang sa Enero 22 ang Dagyang sa Barangay Tribes Competition.