Call center agent patay sang na-aksidente sa Pavia
Pavia, Iloilo—Patay ang call center agent sang nakabunggo ang ginamaneho nga motorsiklo sa street light sa Brgy. Ungka I.
Ginkilala ang biktima kay Raden Hazin Minor, 30-anyos sang Brgy. Zone 4 Ilaya, Balabag, Sta. Barbara.
Gindala pa sa ospital ang biktima apang napatay pagkaligad sang isa ka oras.
Suno kay Police Major Rolando Araño, hepe sang Pavia Police Station, may gintambungan nga company party ang biktima sa siyudad kag papuli na las 3:20 kahapon sang kaagahon sang na-aksidente.
Nakita pa sa ginluntaran sang aksidente ang hampangan kag dulse para sa bata.