Iloilo city gov’t kag IFFI mapahamtang sang mga portalets sa highlight sang Dinagyang 2023
May ipahamtang nga mga portalets ang Iloilo City Government kag Iloilo Festivals Foundation Inc. (IFFI) sa mga mayor nga karsada sa siyudad sa highlight sang Dinagyang Festival 2023.
Suno kay Engr. Neil Ravena, head sang City Environment and Natural Resources Office (CENRO), 80 ka mga portalets ang ipang-install umpisa sa Biyernes, Enero 20.
Sa amo nga numero, 70 ang ginkontrata sang IFFI kag 10 naman ang iya sang siyudad.
May ipahamtang man nga portalets sa mga judging areas kag kiyosko sa siyudad.
Tinutuyo sini nga indi makapangihi ang mga tumandok kag bisita bisan diin lang sa siyudad.
