Call center agent nga babaye nga nagtabok sa pedestrian lane nabungguan sang motorsiklo sa Diversion Road, Mandurriao

ILOILO CITY — Nabungguan sang motorsiklo ang call center agent nga babaye nga nagatabok sa pedestrian lane sa unhan lang subong nga aga, Enero 19.

Makita sa video ang pagdali-dali tabok ni alyas Jen, call center agent. sa pedestian lane samtang nagapadulong ang motorsiklo nga ginamaneho ni Philip Roldan.

Suno sa taxi driver nga na-interview sang Aksyon Radyo News Team, layo pa lang nagbusina na ang motorsiklo pero naghingagaw tabok ang call center agent.

Na-fracture ang wala nga tiil sang babaye samtang napilasan sa tuhod ang driver sang motorsiklo. Nagtabog man sang pila ka metro ang motorsiklo.

Gindala sa ospital ang duha.