Klase sa Enero 20 sa hapon sa Iloilo City suspendido

Ginsuspender ni Iloilo City Mayor Jerry Treñas ang klase sa syudad sa Enero 20 sang hapon tungod sa selebrasyon sang Dinagyang Festival 2023.

Base sa Executive Order No. 008-A nga ginpirmahan sang alkalde, wala na sang klase umpisa las-12:01 sa udto.

Una na nga gin-anunsyar nga wala sang klase sa Enero 21 kag 23 sa tanan nga level sa pribado kag pampubliko nga eskwelahan agud mapasiguro ang safety sang mga estudyante.

Sa schedule of events sang IFFI kag Iloilo City Government para sa Dinagyang, hiwaton sa Enero 21 ang Kasadyahan sa kabanwahanan, Sadsad kag iban pa nga mga aktibidad.