Truck nga may karga nga LPG nahulog sa irigasyon sa Tigbauan
ILOILO — Nahulog sa irigasyon ang truck nga may karga nga tangke sang Liquefied Petroleum Gas (LPG) sa Brgy. Cordova Norte, Tigbauan las-2 sang hapon sang Enero 18.
Ginkilala ang driver sang truck kay Carlo Fajaro, 34, sang Miagao, Iloilo.
Suno kay Police Captain Mary Jane Panes, hepe sang Tigbauan Municipal Police Station, halin sa Pavia ang truck kag padulong kuntani sa Miagao.
Base sa pagpangusisa sang pulis sa driver, ginpabutyag niya nga naglamsot ang preno sang truck.
Agud malikawan ang mas daku nga disgrasya, ginwarik na lang ni Fajaro ang manibela pa-tuo rason nga nahulog siya sa irigasyon.
Wala napilasan ang driver, suno sa pulis.
