2 ka utod nga kamot nga may langka, batwan kag sabaw nakita sa suludlan sang ice cream sa dumpsite sa Bacolod City
Nakibot ang manughakot sang basura sang nakita ang duha ka utod nga kamot sa suludlan sang ice cream sa dumpsite sa Purok Kagaykay, Barangay 2, Bacolod City mga las-6 kaina sang aga.
Suno kay Police Captain Jonito Prastana, OIC sang Bacolod Police Station 2, nagapanghakot sang basura ang mga basurero sang nakita ang plastic nga nagabitay rason nga ila ginlantaw.
Nasulod sa plastic ang karton kag ang suludlan sang ice cream. Sang ginbuksan, nakita ang duha ka kamot nga may batwan kag langka “nga daw linaga.”
Ginklaro ni Pastrana nga wala ginluto ang kamot kundi ginbutangan lang sang langka kag tubig. Sa amo man nga plastic nakita ang papel nga may mga pangalan kag may nakasulat nga “protektor, pusher, kag drug lord.”
I-validate suno kay Pastrana ang mga pangalan sa listahan, samtang gindala na sa punerarya ang mga kamot kag ipa-usisa sa SOCO. –with additional information from Aksyon Radyo Bacolod.
