Face-to-face activities sa kapistahan sang Jaro sa Pebrero 2 magabalik

ILOILO CITY — Magabalik na ang normal nga pagselebrar sang kapistahan ni Nuestra Señora Dela Candelaria sa Pebrero 2 matapos ang duha ka tuig nga pandemya.

Ginpahayag ni Father Angelo Colada, director sang Commission on Social Communications sa Jaro Archdiocese nga ginapaabot na nila ang pagdugok sang tawo sa masunod nga semana. 

Lakip sa magabalik suno sa iya ang paghiwat sang foot procession nga isa sa mga events nga ginpa-iway sa nakaligad nga duha ka tuig tungod sang ginpatuman nga health restrictions// 

Dugang ni Colada, naka-schedule na sang meeting ang Jaro Archdiocese kaupod ang kapulisan kag traffic management office agud mangin matawhay ang foot traffic kag traffic flow sang mga salakyan.

Kahapon, Enero 24, nagsugod ang novena mass para kay Nuestra Señora Dela Candelaria kag magalawig tubtob Pebrero 1.