19 pilason sang nakabunggo ang depasahero nga jeep sa pader sang balay sa Tigbauan

ILOILO — Gindala na sa ospital ang 19 tanan ka mga pasahero lakip na ang kundoktor sang depasahero nga jeep nga may biyahe Miagao sang ginwarik sang driver ang iya manibela pakadto sa pader sang balay.

Suno kay Richard Cabilitasan, konduktor sang jeep, posible nga naglamsot ang preno bangud madasig ang dalagan sang jeep kag may ginlikawan nga kabataan nga nagatabok sa dalan.

Nagpanalakit ang lawas kag dughan ni John Earl Lardera nga isa sa mga pasahero sang jeep nga mapadulong kuntani sa Iloilo City.

Nag-surrender naman sa Tigbauan Police ang driver.

Nagapadayon pa ang imbestigasyon sa Tigbauan police sa natabu. — with reports from Aksyon Cedrick Anona