Pusil, granada na-recover sa entrapment operation sa La Paz

ILOILO CITY — Na-recover sang kapulisan ang pusil kag hand grenade sa entrapment operation sa Brgy. Nabitasan La Paz kagab-i, Enero 28.

Ginkilala ni Punong Barangay Barbara Joy Arosa ang subject sang operasyon kay Alfonso Lim nga pangayaw lang sa lugar.

Suno sa iya, bag-o lang nakagguwa sa presuhan si Lim kag masobra isa pa lang ka bulan nga nagatiner sa balay sang iya nga abyan sa amo nga barangay.

Ginpabutyag pa niya nga base sa iya obserbasyon, ginahimo nga drug den ang balay kag nagkalain-lain nga indibidwal ang nagasulod kag nagaguwa kada oras.

Pero suno kay Iloilo City Police Office (ICPO) Intelligence unit head Lt. Colonel Albert Sy nga padayon pa nila nga gina-verify ang amo nga impormasyon.

Sang ginhimo ang operasyon, nakita ni Punong Barangay Arosa nga may na-recover man nga drug paraphernalia.

Ginatinguhaan sang Aksyon Radyo Iloilo nga makuhaan sang pahayag ang subject.