‘I don’t think it’s fair sa aton mga drivers’ – ATOP president Perfecto Yap sa pahayag ni RPDEU head PMAJ Rommel Anicete nga dakpon ang sin-o man nga maabtan sa vicinity sang ginakonsiderar drug den kun may drug buy bust operation

ILOILO CITY – Unfair sa mga drivers sang taxi kag iban pa nga salakyan ang pahayag ni PMAJ Rommel Anicete, head sang Regional Police Drug Enforcement Unit, nga dakpon nila ang sin-o man nga maabtan sa vicinity sang ginakonsiderar nga drug den kun may himuon sila nga drug buy bust operation.

Reaksyon ini ni Association of Taxi Operators in Panay (ATOP) President Perfecto Yap sa statement ni Anicete kasunod sang buy bust operation sa Barangay Bakhaw, Mandurriao sang Enero 25, 2023 sang gab-i sa diin 32 ang nadakpan kag kalabanan sa ila ang ginkasuhan sang visiting drug den. Lakip sa gindakup ang tricycle driver nga taga-Boulevard, Molo nga nagapanindugan nga nagdul-ong lang sang pasahero.

“Ma-discourage na ang aton driver nga mag-convey sang passengers da sa Bakhaw kay matsambahan ka imo da kaluluoy ka imo ya. Ikaw ya magasto sa imo kaugalingon. I don’t think it’s fair sa aton mga drivers nga kun matsambahan ka imo to, dakpon ka nila,” suno kay Yap.

Sa interview sang Aksyon Radyo Iloilo news team, ginpabutyag ni Major Anicete nga “[Kung] considered kasi na drug den ‘yun, tapos ikaw naman na hindi taga roon, wala kang ibang means na pangkabuhayan sa lugar na ‘yun at nandon ka during the conduct ng operation, ma-consider natin siya na visiting drug den siya. Regardless kung gaano siya ka layo o gaano siya kalapit.”