Kada Pinoy may P120, 271 nga utang kun tungaon ang P13.4 trillion nga utang sang Pilipinas suno sa Ibon Foundation

May utang nga P120, 271 ang kada Filipino kun tungaon ang P13.4 trillion nga national debt sang Pilipinas.

Ini ang ginpabutyag sang economic think tank IBON Foundation kasunod sang ginpaguwa nga data sang Bureau of Treasury.

P627 billion sang national debt ang na-record humalin sang nagpungko si President Ferdinand Marcos, Jr.

Ginpabutyag ni Sonny Africa, executive director sang IBON Foundation, nga ginabayaran man sang pungsod ang utang apang dehado ang mga yara sa pigado nga sektor kag middle class.

Ini tungod ginabaydan nila ang utang paagi sa Value Added Tax ukon VAT, excise kag iban pa nga consumption taxes, underfunded social services, kag budget cuts sa cash assistance.

Dugang ni Africa, puwede pa kuntani nga mas mangin humane ang fiscal management ilabe na kun mahimo laye ang ginaduso nga wealth tax.