Mag-utod pilason sang nahulugan sang kabilya sa gina-obra nga building sa Megaworld

ILOILO CITY – Under observation sa ospital ang duha ka construction workers nga pilason sang natumbahan sang daku nga kabilya sa gina-obra nga building sa Megaworld area sa Mandurriao kaina sang aga.

Ginkilala ang duha kanday Romnick Altares, 33-anyos, kag Robert Altares, 50-anyos nga foreman.

Sa record sang Mandurriao Police, may pilas sa ulo kag critical ang kondisyon ni Romnick samtang may pilas sa tiil kag lawas si Robert.

Base sa pagpangusisa sang pulis, malapit ang mag-utod sa nagatindog nga kabilya sang gulpiyada ini nga natumba.

Wala matumod kun may suksok nga safety gear ang mag-utod sang matabo ang aksidente.

Ang DLM construction ang contractor sang proyekto apang ang duha ka mga construction workers yara sa idalum sang subcontract. – via Jeremae Ventar