Lalaki patay sang gintiro samtang nagalantaw sang basketball sa Miagao

ILOILO — Napatay sa ospital ang 36-anyos nga lalaki nga gintiro sa Brgy. Baybay Norte, Miagao pasado las-8 kagab-i, Pebrero 4, 2023.

Ginkilala ang natiruhan nga si Roberto Labora, Jr. residente sa amo man nga lugar.

May pilas sa dughan si Labora.

Ginkumpirmar ni PCapt. Marvin Buenavista, nga na-identify si Labora, Jr. nga isa sa mga drug personalities sa Miagao.

Una na nga naguwa sa imbestigasyon sang pulis nga nagalantaw sang basketball ang biktima sang ginpalapitan siya sang wala pa makilal-an nga suspek kag gilayon nga nagsakay sa nagahulat nga motorsiklo.

Nagapadayon ang hot pursuit operation sang Miagao Police.