3 ka Ilonggo mixed martial artists champion sa kompetisyon nga ginhiwat sa Bacolod City
Nagkampeon ang tatlo ka mga Ilonggo athletes sa bag-o lang natapos nga kompetisyon sa mixed martial arts (MMA) sa Bacolod City.
Ini amo kanday Chester Brian Andres sang Pavia; Jason Tabuada kag Frances Nicoyco nga lunsay taga-Lapuz, Iloilo.
Gindeklarar naman nga Overall winner ang Iloilo Combat Sports nga amo ang ila nga grupo.
Una na nga ginpakigbahin ni Tabuada nga nagahimakas gid sila nga mapreparahan sang maayo ang mga engkwentro agud makahatag sang dungog sa mga Ilonggo.
Antes sini, nagkampeon man kanday Tabuada, Andres, kag Rhino Casipe sang Barotac Nuevo sa MMA sa Marikina City kag natalana nga liwat nga maga-compete sa Parañaque City sa Marso—with additional information from Public View
