Mga empleyado sang Iloilo City Hall nagareklamo sa tuman ka mahal nga uniform

Ginareklamo sang mga regular nga empleyado sang Iloilo City Hall ang tuman ka mahal nga uniform nga nagabalor P3, 400.

Ang P3, 400 para sa tatlo ka blouse kag isa ka slacks nga libre para sa mga babaye samtang tatlo ka polo barong sa mga lalaki.

Suno sa mga tagreklamo, ini ang una nga kahigayunan nga nagpakontrata ang City Government para sa ila uniform.

Sang una, ang ila clothing allowance nga P6,000 ang ginahatag sa ila kag sila na ang bahala nga mangita sang sastre.

Nagalab-ot lang sa P300 tubtob P500 ang isa ka blouse nga uniform sa ila sastre.

Ginpahayag sang mga tagreklamo nga wala sila ginhatagan sang choice kag automatic ini nga ibuhin sa ila clothing allowance.