10 na-ospital sang natumba ang Ceres bus sa Hamtic, Antique

Antique – Pulo sa 31 ka pasahero sang ceres bus ang ginpangdala sa ospital sang natumba sa Barangay Calaja 1, Hamtic, mga pasado las-2 kaina sang hapon.

Suno kay PSSg Rymyr Mabaquiao, imbestigador sang Hamtic, Antique Police Station, sa pulo nga na-ospital, tatlo ang padayon nga ginabulong samtang gilayon nga nakagwa ang pito ka pasahero.

Ginkilala ang pasahero nga admitted sa ospital kanday John Philip Pahilangga; Ester Ruth Mispah Sandig; kag Kaith Josephen Monsale.

Wala naman napilasan ang konduktor.

Base sa pagpangusisa sang police sa driver nga si Loven Magbanua, halin sa Iloilo kag pakadto kun tani sila sa Caticlan sang nadulaan siya sang kontrol sa pagmaneho bangud naglupok ang tuo nga guma sang bus.

Naka-custody subong sa Hamtic Police Station si Magbanua. – via Hamtic MPS