Tunga sa milyon ka pesos nga balor sang illegal drugs nakuha sa Top 1 priority sa illegal drugs sa Oton

OTON, Iloilo – Dakup sa drug buy bust operation ang top 1 priority sa illegal drugs sa Oton.

Nadakpan si Rongie Melocoton, 34-anyos sa Barangay Poblacion South, Oton.

Suno kay PMAJ Fernand Limbungan, hepe sang Oton Police Station, nadakpan na sadto tungod sa illegal nga droga si Melocoton kag nagkaguwa lang sa presuhan.

Sang nagligad nga tuig pa gina-monitor si Melocoton pero indi madakpan suno kay Limbungan.

Nabaklan si Melocoton sang isa ka bulto sang suspected nga shabu.

Ginabanta sa 74 grams ang nakuha nga item kay Melocoton nga may estimated market value nga P503,000. – via Angel Mae Ciudad