45 ka units sang motorsiklo, pusil kag bala gin-turnover sa PRO 6 halin sa Camp Crame
Naghiwat sang blessing kag turn-over ceremony sang mga PNP equipment sa Police Regional Office 6 kaina sang aga.
Sa kabug-usan, 45 ka units sang 150 CC light motorcycles (Honda Dirt bike) ang ginhatag sa PRO 6 halin sa Camp crame.
Sa amo nga numero, pito (7) ka units ang ginhatag sa Aklan PPO; Antique PPO-9 units; Capiz PPO-7 units; Guimaras PPO-1 unit; Iloilo PPO-15 units; kag Negros Occidental-6 units.
Magluwas sa mga motorsiklo, nabaton man sang PRO 6 ang 10 units of Negev 5.56mm light machine Gun, 600 units sang 9mm striker fired pistol “Rex Delta” kag mga bala.
Ang 9mm pistols ang para sa mga bag-o recruit nga pulis.
Ang blessing kag turn-over ginhiwat kadungan sang ika-32 nga anibersaryo sang PRO 6.
Suno kay PRO 6 Director PBGEN Leo Francisco, tungod sa mga bag-o nga gamit, mas pabaskugon pa gid nila ang paghatag sang kalidad nga serbisyo sa mga pumuluyo sa Western Visayas.
