4 arestado sa drug buy bust operation sa Jaro

ILOILO — Dakup ang apat ka indibidwal sa drug buy bust operation sang Philippine Drug Enforcement Agency (PDEA) sa Brgy. Seminario, Jaro las 5:30 kahapon sang hapon, Pebrero 23.

Ginkilala ang mga arestado kanday Scott Michael Jimena, 25-anyos; Sanny Lanaria, 44- anyos; Eugene Fernandez,, 47-anyos; kag Ivan Paitone, 35-anyos.

Suno kay IA Johnny Boy Ybañez, sang PDEA Provincial Field Unit, nabaklan ang subject nga si Jimena sang isa ka sachet sang suspected shabu sa balor nga P35,000.

Nakuha pa gid sa iya ang 12 ka sachets sang suspected shabu nga nagabalor sang P122,400, improvised tooter, cellphone, lighters kag aluminum.

Ginpahayag ni Ybañez nga nagamentinar sang drug den ang subject sa bulig sang iya amay nga si Lanaria.

Nadakpan naman sa akto sanday Fernandez kag Paitone nga naga-ruro, dugang ni Ybañez.