3 ka suspects sa pagpatay kay Negros Oriental Gov. Roel Degamo gindakup sa hot pursuit operation
Gindakup sang kapulisan sa hot pursuit operation ang tatlo ka mga lalaki nga ginatudlo nga may kahilabtanan sa pagtiro patay kay Negros Oriental Governor Roel Degamo.
Suno kay Negros Oriental Police Provincial Office (NOPPO) spokesperson Police Lt. Col. Kim Lopez, ang tatlo ka mga lalaki nga gindakup sa Sitio Punong, Brgy. Cansumalig las-4:20 kahapon sang hapon ang gina-imbestigaran nga posible mga suspects sa pagpatay kay Gov. Degamo.
Ginkilala ang mga nadakpan kanday Joric Labrador, 50-anyos sang Cagayan De Oro; Joven Aber, 42-anyos sang Brgy. Robles, La Castellana, Negros Occidental nga lunsay mga former army; kag Benjie Rodriguez, 45-anyos sang Mindanao.
Na-recover sang police ang ginapatihan getaway vehicle sang mga suspect.
Una na nga gin-report nga naga-istorya si Gov. Degamo sa mga 4Ps beneficiaries sa atubang sang iya balay sa Pamplona, Negros Oriental sang gintiro sang mga suspect.
Napatay si Gov. Degamo tungod sa madamo nga pilas nga iya naagom.
Padayon naman ang pagpangita sang kapulisan sa iban pa ka mga suspects nga nakapalagyo.—via NOPPO, with additional reports from Aksyon Radyo Bacolod
