Security guard pilason sang gintiro sang kapareho nga security guard sa Mandurriao

ILOILO City—Pilason ang security guard sang natiruhan sang kasubong niya nga security guard sa Diversion Road, Brgy. Bolilao, Mandurriao las 10:30 kagab-i, Marso 8.

Napilasan sa tiyan si Harold Ticot, 35-anyos sang Oton, Iloilo sang natiruhan ni Lloyd Katipunan, 36-anyos sang Brgy. Gua-an, Leganes.

Suno kay Police Staff Sergeant Antonio Santiañez, Jr. sang Mandurriao Police Station, ginsulod sang suspetsado ang biktima sa sulod sang opisina kag gintiro.

Nagpalagyo ang suspetsado sakay sa iya motorsiklo.

Wala pag-intiendihanay ang ginasunod nga anggulo sang Mandurriao police sa pagtiro sang suspetsado sa biktima.