Ginatudlo NPA member, supporter nag-surrender sa Calinog police

ILOILO – Nag-surrender sa Calinog police ang ginatudlo nga aktibo nga miyembro kag supporter sang New People’s Army kahapon, Marso 8.

Ini sa tunga sang kampanya kontra terorismo sang kapulisan.

Suno sa Calinog police, nag-surrender ang 25-anyos nga si “Ka Allan” nga miyembro sang rebelde nga grupo, kag 59-anyos nga supporter nga masami nagabakal sang groceries sang NPA members.

Gin-turn over man nila sa police ang duha ka 12-gauge shotguns, isa ka 20-gauge shotgun kag duha ka improvised explosive devices.

Paagi sa pagpanikasog sang PNP kag Armed Forces of the Philippines, nahaylo ang duha nga magbalik sa sabak sang gobyerno kag makapangabuhi liwat sang normal.