Modernized jeep nakabunggo sa truck sa San Miguel, Iloilo

ILOILO – Dose (12) ka pasahero sang modernized jeepney nga may biyahe Leon ang na-ospital sang nagtakilid kag nakabunggo ang salakyan sa 10-wheeler truck sa Barangay 1, San Miguel, Iloilo kaina sang aga, Marso 11.

Suno kay PSMSg Glenn Gasapo, imbestigador sang San Miguel Police Station, pareho nga padulong sa town proper ang direksyon sang modernized jeep nga ginamaneho ni Gerald Tumale kag truck nga ginamaneho ni Vicente Garcia.

Sa dugang nga pagpangusisa ni Gasapo, gin-ako ni Tumale nga madasig ang iya padalagan sang modernized jeep. Nagpreno suno sa iya si Tumale apang nadulaan sang kontrol sa manibela rason nga nagtakilid kag nakabunggo sa truck nga naga-signal nga magliko pa-wala.

Temporaryo nga gin-detain sa San Miguel MPS si Tumale. —via Justice Savvanah Pamplona