1 patay 2 na-ospital sang nakuryente sa Passi City
ILOILO — Patay si Jessie Calibar, 46-anyos sang Brgy. Mambiranan Pequeño, Passi City, kag confined naman sa Don Valerio Palmares Sr. Memorial District Hospital sa Passi City sanday alyas Mark, 16-anyos, kag alyas Henry, 15 anyos sang nakuryente.
Suno kay PLTCOL Dennis Pamonag, hepe sang Passi City Police Station, nagakay-o sang steel pipe post sang Wi-Fi internet sa Brgy. Buenavista ang mga biktima sang nahulog ang steel pipe post kag nagtupa sa live wire sang ILECO 2 rason sang ila pagkakuryente.
Dead-on-arrival si Calibar, samtang ang duha ka menor-de-edad ang padayon nga ginabulong sa ospital.