Pagbalik sang minimum fare sa PUJs sa P9 paagi sa Service Contracting Program sang DOTr welcom sa transport group MITSCOOP

Read Time:1 Minute, 4 Second

ILOILO CITY – Daku ang nabulig sang Service Contracting Program sang Department of Transportation sa mga transport cooperatives sa pungsod.

Reaksyon ini ni Metro Iloilo Transport Service Cooperative (MITSCOOP) President Jose Delos Reyes sa plano nga pagbalik sang minimum fare sa mga traditional jeepneys sa P9.

Suno kay Delos Reyes, bag-o pa lang napatuman ang PUV Modernization program kag yara pa lang sila sa transition. “We are still struggling with our finances—balayran, suweldo sang empleyado” gani daku nga bulig sa mga kooperatibe ang Service Contracting Program.

Ginpa-athag ni Delos Reyes nga lain-lain ang sistema sa pagpatuman sang Service Contracting Program pareho sang Libre Sakay sa diin wala ginsukot sang plete ang mga pasahero tungod nga ginhatagan sang DOTr sang pondo ang mga salakyan nga nagapasakop sa programa.

Ang plano sa subong nga tranche, ibalik sa pre-pandemic fare nga P9 ang plete sa traditional nga mga jeep paagi sa Service Contracting Program. Ginahulat na lang suno kay LTFRB chairman Teofilo Guadiz III nga ma-download sa ila sang DOTr ang P1.2 billion nga pondo. “Once it is downloaded, we will start the Service Contracting [Program].”

Ginhimo nga P12 ang minimum fare sang nagligad nga tuig tungod sa sunod-sunod nga pagsaka sa presyo sang mga produktong petrolyo. –via Aksyon Hotline