Linibo ka mga atleta nagpasakop sa Division of Iloilo Sports Council Meet
Linibo ka mga athletes halin sa nagkalain-lain nga mga eskwelahan sa lima ka distrito sang Iloilo kag Iloilo National High School ang nagtambong sa opening program sang Division of Iloilo Sports Council Meet 2023 kahapon, Marso 23 nga ginhiwat sa Iloilo Sports Complex.
Gintambungan man ang programa sang mga nagkalain-lain nga opisyal sang probinsiya sa pagpanguna ni Iloilo Gov. Arthur Defensor, Jr.
Ginpasalamatan sang gobernador ang tanan nga mga alkalde sang kabanwahanan, mga miembro sang Sangguniang Panlalawigan, mga manunudlo, principals, kag ang taga-Division of Iloilo sa madinalag-on nga event bisan madamo sang adjustments nga ginhimo tungod sa COVID-19 pandemic.
Ginpahibalo naman ni 4th District of Iloilo Board Member Rolando Distura, nga nagpasar sang ordinansa ang provincial board nga mahatag sang assistance ang provincial government indi lang sa mga coaches kundi pati sa mga ginikanan kag chaperon sang mga estudyante nga atleta nga maga-compete sa national kag international sports event nga gin-sanction sang gobyerno. – via DepEd Tayo Iloilo Province
