Amay nga nag-ako nga naghimulos sa iya 7 year old nga bata nga napatay ginpasakaan na sang kaso

ILOILO — Napasakaan na sang kaso nga rape with homicide ang amay nga naghimulos sa pito ka tuig niya nga bata nga napatay sa isa ka barangay sa Concepcion.

Suno kay PMAJ Jonah Galicha, hepe sang Concepcion MPS, positibo nga ginhimuslan ang bata, base medical result.

Ginkumpirmar man ni Galicha nga nagaguwa sa ila imbestigasyon nga nakita sang magulang nga walo ka tuig ang ginhimo sang amay sa iya utod.

Ginbuyagyag naman sang iloy, suno kay Galicha, nga ginsakit siya sang iya bana antes sila natulugan kag natabu ang pagpanghimulos.

Dugang ni Galicha nga mga las-11 sang gab-i sang Marso 21sang nakabati ang mga residente nga may nagahibi nga bata. Wala na nagahulag ang bata sang nasapwan pagka-aga gani gindala sa Sara District Hospital pero gindeklarar nga dead-on-arrival. –via Angel Mae Ciudad